120 மில்லியன் இலஞ்ச வழக்கில் ரணில் தரப்பின் முக்கிய புள்ளி.. தேசபந்துவுக்கு 50 மில்லியன் வழங்க திட்டம்!

ஹரக்கட்டா தொடர்பான வழக்கு விவகாரத்தில் முன்னாள் ஜனாதிபதி ரணில் விக்ரமசிங்கவின் பிரதம மந்திரி மற்றும் தேசிய பாதுகாப்புக்கான சிரேஷ்ட ஜனாதிபதி ஆலோசகராகப் பணியாற்றிய சாகல ரத்நாயக்கவின் பெயரும் குறிப்பிடப்பட்டுள்ளதாகத் தெரிவிக்கப்படுகிறது. ஹரக்கட்டா மீதான தடுப்புக் காவல் உத்தரவுகளை நீக்கி, அவரை ஒரு வழக்கமான சிறைக்கு மாற்றுவதற்காக 120 மில்லியன் ரூபா இலஞ்சம் பெறப்பட்டதாகக் கூறப்படும் குற்றச்சாட்டு தொடர்பான விசாரணைகள் இடம்பெற்று வருகின்றன.

ஹெரத் முதியன்செலாவின் கார்னர் வடிவமைப்பாளரான இந்திரஜித் பண்டாரா, என்றழைக்கப்படும் ஹெர்பி என்பவரிடமிருந்து பெறப்பட்ட வாக்குமூலத்தின் அடிப்படையில், சம்பந்தப்பட்ட விசாரணையின்போது இந்தத் தகவல் வெளிப்படுத்தப்பட்டதாக தென்னிலங்கை ஊடகம் ஒன்று செய்தி வெளியிட்டுள்ளது. தேஷபந்து தென்னகோனுக்கும் பணம்.. தனது வாக்குமூலத்தில், ரகித ராஜபக்சவும் சரித் அபேசிங்கவும் துபாயில் சந்தித்தபோது நடைபெற்ற ஒரு கலந்துரையாடலை அவர் சுட்டிக்காட்டியுள்ளார். அதன்போது, ஹரக்கட்டா தொடர்பான சட்ட நடவடிக்கைகள் மற்றும் அவரது தடுப்புக் காவல் உத்தரவுகளை நீக்குவது குறித்தும் விவாதிக்கப்பட்டதாகத் தெரிவித்துள்ளார். அதன்படி, தொடர்புடைய நடவடிக்கைகளுக்காக தேசபந்து தென்னக்கோனுக்கு 50 மில்லியன் ரூபாயை வழங்கத் திட்டமிடப்பட்டுள்ளது என்றும், முன்னாள் ஜனாதிபதி செயலாளர் சமன் ஏகநாயக்க மூலம் மேலும் 50 மில்லியன் ரூபா வழங்கப்பட்டுள்ளது என்றும் கூறப்படுகின்றது. இலஞ்சம் அல்லது ஊழல் குற்றச்சாட்டுகளை விசாரிக்கும் ஆணையத்தால் இந்த அறிக்கை நீதிமன்றத்தில் சமர்ப்பிக்கப்பட்டுள்ளது, அதன்படி, இந்தச் சம்பவம் தொடர்பாக மேலதிக விசாரணைகள் நடத்தப்பட்டு வருகின்றன எனத் தகவல்கள் தெரிவிக்கின்றன.