ஹொரணை தொகுதியின் ஐக்கிய மக்கள் சக்தி முன்னாள் அமைப்பாளர் சரித் அபேசிங்கவுக்கு ஜனாதிபதி தரப்பில் இருந்து எந்தவொரு அழைப்பும் விடுக்கப்படவில்லை என்று ஜே.வி.பி. மறுத்துள்ளது. வெள்ளிக்கிழமை (26) ஐக்கிய மக்கள் சக்தி நடத்திய ஊடக மாநாட்டில், முன்னாள் மாகாண சபை உறுப்பினர் வருண ராஜபக்ச தெ…
ஹொரணை தொகுதியின் ஐக்கிய மக்கள் சக்தி முன்னாள் அமைப்பாளர் சரித் அபேசிங்கவுக்கு ஜனாதிபதி தரப்பில் இருந்து எந்தவொரு அழைப்பும் விடுக்கப்படவில்லை என்று ஜே.வி.பி. மறுத்துள்ளது.
வெள்ளிக்கிழமை (26) ஐக்கிய மக்கள் சக்தி நடத்திய ஊடக மாநாட்டில், முன்னாள் மாகாண சபை உறுப்பினர் வருண ராஜபக்ச தெரிவித்த கருத்துக்கள் தொடர்பில் மக்கள் விடுதலை முன்னணி (ஜே.வி.பி.) ஊடகப் பிரிவு அறிக்கையொன்றை வெளியிட்டுள்ளது.வருண ராஜபக்ச குறித்த அறிக்கையில் வருண ராஜபக்சவின் கூற்றை முற்றிலுமாக நிராகரித்து, வருண ராஜபக்சவின் கருத்து ஆதாரமற்றது மற்றும் பொய்யானது என்று வலியுறுத்தி ஜே.வி.பி. ஊடகப் பிரிவு ஒரு விளக்கத்தை வெளியிட்டுள்ளது.
வெள்ளிக்கிழமை 26ஆம் திகதி நடைபெற்ற செய்தியாளர் சந்திப்பில், வருண ராஜபக்ச பின்வருமாறு தெரிவித்திருந்தார். 'சுமார் இரண்டு மாதங்களுக்கு முன்பு, ஒரு நாள் சரித் அபேசிங்க என்னை அழைத்து, 'வருண, டில்வின் சில்வா உங்களை அழைத்தால், நீங்கள் பேசத் தயாரா? ' என்று கேட்டார்.அத்துடன் சரித்துடைய மிக நெருங்கிய நண்பர் ஒருவர் அவரை அழைத்து, ஜனாதிபதி அநுர குமார திசாநாயக்க, சரித்தைச் சந்திக்க விரும்புவதாக, கூறியதாக என்னிடம் கூறினார்
ஜனாதிபதி அவ்வாறு பேசினால் நான் அவருடன் பேசுவேனா என்று கேட்டபோது, நான், 'சரித், நான் அவர்களைச் சந்திக்க விரும்பவில்லை. நான் பேச விரும்பவில்லை, ஏனென்றால் பதினைந்து ஆண்டுகளுக்கு முன்பு நான் அவர்களுடன் பல மணிநேரங்களும், பல நாட்களும் பேசினேன். நான் அவர்களிடம் பேச வேண்டிய அனைத்தையும் முடித்துவிட்டேன்.சரித் அபேசிங்க ஆனால் நீங்கள் ஏதேனும் ஒரு காரணத்திற்காகப் பேச விரும்பினால், பேசுவதில் எந்தப் பிரச்சினையும் இல்லை' என்று கூறினேன். பின்னர், எனக்குத் தெரிந்தவரை, ஜனாதிபதி அநுர குமார திசாநாயக்கவை சரித் சந்திக்கவில்லை.ஆனால் பின்னர், உங்களுக்குத் தெரிந்தவரையில், சில நாட்களுக்குப் பிறகு, ஒரு செய்தியாளர் சந்திப்பில், சரித் அபேசிங்க, அரசாங்கத்திடமிருந்து தனக்கு அழைப்பு வந்திருப்பதாகவும், அவரது தரப்பில் இருந்து குறிப்பிட்டிருந்தார் என்று வருண ராஜபக்ச ஊடக சந்திப்பில் தெரிவித்திருந்தார்.
இருப்பினும், சரித் அபேசிங்க என்ற நபர் தனது கட்சியின் பொதுச் செயலாளருடன் ஒருபோதும் தொலைபேசித் தொடர்பில் ஈடுபட்டதில்லை என்று ஜேவி.பி.சுட்டிக்காட்டியுள்ளது.
பாதாள உலகத் தொடர்புகள் மற்றும் இலஞ்சச் சம்பவங்கள் வெளிச்சத்திற்கு வந்துள்ளதால், ஐக்கிய மக்கள் சக்தி கட்சி ஆழ்ந்த மன உளைச்சலுக்கும் அரசியல் திவாலுக்கும் உள்ளாகியுள்ளது என்பதை இந்தப் பொய்யான அறிக்கை தெளிவாகக் காட்டுகிறது என்று ஜேவிபி கூறுகிறது.ஜே.வி.பி. மறுப்புஊடகங்களின் முன்னிலையில் இதுபோன்ற புனையப்பட்ட கதைகளை உருவாக்கும் அளவுக்கு வெட்கமற்ற நிலையில் கட்சி இருப்பது வருந்தத்தக்கது என்றும் அவர்கள் குறிப்பிடுகின்றனர். பல்வேறு அரசியல் நலன்களின் அடிப்படையில், தனிநபர்களின் பின்னணியைப் பொருட்படுத்தாமல் அவர்களைக் கட்சிகளில் சேர்க்க வேண்டிய அவசியம் தங்களுக்கு அல்லது தற்போதைய அரசாங்கத்திற்கு இல்லை என்றும் அந்த அறிக்கை கூறுகிறது.
சிலர் இந்தக் குறிப்பிட்ட அறிக்கையின் மூலம் குற்றச் சம்பவங்களிலிருந்து பொதுமக்களின் கவனத்தைத் திசைதிருப்பி, குற்றவாளிகளை வெள்ளையடிக்க முயற்சிக்கின்றனர். ஆனால் இது முற்றிலும் பயனற்ற செயல் என்று ஜேவிபி மேலும் சுட்டிக்காட்டுகிறது. இந்தப் பொய்யான அறிக்கைகளையும் அவதூறுகளையும் கட்சி வன்மையாகக் கண்டிப்பதாகவும், எதிர்காலத்தில் இதுபோன்ற பொய்ப் பிரச்சாரங்களைச் செய்யும் நபர்கள் மீது கடுமையான சட்ட நடவடிக்கை எடுக்கத் தயங்காது என்றும் ஜே.வி.பி ஊடகப் பிரிவு வலியுறுத்தியுள்ளது.