நெருக்கடிக்குள் பல சக்திவாய்ந்த அரசியல்வாதிகள் - சிக்கியுள்ள ஆதாரங்கள்

நாட்டின் முக்கிய போதைப்பொருள் கடத்தல்காரர்களில் ஒருவர் என்று கூறப்படும் நதுன் சிந்தக விக்ரமரத்ன என்ற ஹரக் கட்டாவிடமிருந்து கோடிக்கணக்கான ரூபாய் மதிப்புள்ள இலஞ்சத்தை பெற்றதாக கூறப்படும் சம்பவம் தொடர்பில் விசாரணைகள் தொடங்கப்பட்டுள்ளன.அரசியல்வாதிகள், சட்ட வல்லுநர்கள், முன்னாள் குற்றப் புலனாய்வுத் துறை அதிகாரிகள் மற்றும் அரசாங்க அதிகாரிகள் அடங்கிய குழுவிற்கு எதிராக விசாரணைகள் தொடங்கப்பட்டுள்ளன. தொடங்கப்பட்டுள்ள விசாரணைகள் இந்த விசாரணையை இலஞ்ச ஆணைக்குழுவும், குற்றப்புலனாய்வுத்துறையும் இணைந்து நடத்தி வருவதாக தெரிவிக்கப்பட்டுள்ளது. ஹரக் கட்டாவிற்கு பாதுகாப்பு வழங்குவதற்கும், அவர் சிறையில் அடைக்கப்படுவதை தடுப்பதற்காக அவரை காவலில் வைக்கும் உத்தரவுகளிலிருந்து விடுவிப்பதற்கும், உணவு மற்றும் பிற வசதிகளை வழங்குவதற்கும் கோடிக்கணக்கான ரூபாய் மதிப்புள்ள இலஞ்சத்தை பெற்றுள்ளதாக தற்போது தகவல் கிடைத்துள்ளது.இந்த குற்றச்சாட்டில் குற்றம்சாட்டப்பட்டவர்களில் ஒரு குழுவினர் எதிர்காலத்தில் கைது செய்யப்பட உள்ளதாகவும் தெரிவிக்கப்பட்டுள்ளது. பெரும் தொகையை இலஞ்சமாக பெற்றுள்ள அதிகாரிகள்முன்னாள் பிரதி பொலிஸ் மா அதிபர் உட்பட குற்றப் புலனாய்வுத் திணைக்களத்தின் பல உயர் அதிகாரிகளும், பாதாள உலக அதிகாரிகள் குழுவும் பெரும் தொகையை இலஞ்சமாகப் பெற்றுள்ளனர் என்பதும் தற்போது வெளியாகியுள்ளது. இதற்கமைய, பல அரசியல்வாதிகள், வழக்கறிஞர்கள் மற்றும் முந்தைய அரசாங்கத்தின் பல சக்திவாய்ந்த அரசாங்க அதிகாரிகளுக்கு எதிராகவும் விசாரணைகள் தொடங்கப்பட்டுள்ளன.