டி.கே.பி.கபில சுமார் 72.2 மில்லியன் (ஏழு கோடியே இருபத்தி இரண்டு லட்சம்) ரூபாய் பெறுமதியான ‘ஹஷீஷ்’ (Hashish) மற்றும் ‘குஷ்’ (Kush) ரக போதைப்பொருட்களை நாட்டுக்குள் கடத்தி வந்த 5 இலங்கை பயணிகள், கட்டுநாயக்க சர்வதேச விமான நிலையத்தில் வைத்து ஞாயிற்றுக்கிழமை (28) அன்று அதிகாலை கைது செ…
டி.கே.பி.கபில
சுமார் 72.2 மில்லியன் (ஏழு கோடியே இருபத்தி இரண்டு லட்சம்) ரூபாய் பெறுமதியான ‘ஹஷீஷ்’ (Hashish) மற்றும் ‘குஷ்’ (Kush) ரக போதைப்பொருட்களை நாட்டுக்குள் கடத்தி வந்த 5 இலங்கை பயணிகள், கட்டுநாயக்க சர்வதேச விமான நிலையத்தில் வைத்து ஞாயிற்றுக்கிழமை (28) அன்று அதிகாலை கைது செய்யப்பட்டுள்ளனர். விமான நிலைய பொலிஸ் போதைப்பொருள் தடுப்புப் பிரிவினரால் இந்த அதிரடி நடவடிக்கை மேற்கொள்ளப்பட்டுள்ளது.
கைது செய்யப்பட்டவர்கள் அனைவரும் கேகாலை பகுதியைச் சேர்ந்த, 30 வயதுக்குட்பட்டவர்கள் ஆவர். இவர்களில் ஒரு பெண்ணும், நான்கு ஆண்களும் அடங்குவர்.
இவர்கள் தாய்லாந்தின் பேங்காக் நகரிலிருந்து, ஞாயிற்றுக்கிழமை (28) அன்று அதிகாலை 4:30 மணியளவில் இலங்கை விமான சேவைக்குச் சொந்தமான ‘UL-405’ எனும் விமானம் மூலம் கட்டுநாயக்க விமான நிலையத்தை வந்தடைந்துள்ளனர்.
போதைப்பொருட்களைக் கடத்துவதற்கு இவர்கள் புதிய உத்தியைக் கையாண்டுள்ளனர்:
6 கிலோ 110 கிராம் ஹஷீஷ் மற்றும் 11 கிலோ 62 கிராம் குஷ் போதைப்பொருட்களை 15 கண்ணாடிப் போத்தல்களில் மறைத்து வைத்துள்ளனர்.
குறித்த போத்தல்களை, கட்டுநாயக்க விமான நிலையத்தின் ‘தீர்வு வரி இல்லா’ (Duty-free) விற்பனை நிலையத்தின் பெயர் அச்சிடப்பட்ட பொலித்தீன் பைகளில் வைத்து மிகவும் தந்திரமாக எடுத்து வந்துள்ளனர்.
மேலதிக விசாரணைகளுக்காக, சந்தேக நபர்கள் நீர்கொழும்பு நீதவான் முன்னிலையில் ஆஜர்படுத்தப்படவுள்ளனர்.