தேசிய மகா விளையாட்டு விழா: வடமேல் மாகாணத்தின் தினேஷா தில்ருக்ஷி மிதிவண்டிப் போட்டியில் சாம்பியன்

தேசிய மகா விளையாட்டு விழா: வடமேல் மாகாணத்தின் தினேஷா தில்ருக்ஷி மிதிவண்டிப் போட்டியில் சாம்பியன் பொன் விழாவைக் குறிக்கும் வகையில் அலாதியான முறையில் நடைபெறும் 50 ஆவது தேசிய மகா விளையாட்டு விழா - 2026 இற்கு இணையாக இன்று நடைபெற்ற மகளிர் பிரிவிற்கான மிதிவண்டிப் போட்டியில், வடமேல் மா…

தேசிய மகா விளையாட்டு விழா: வடமேல் மாகாணத்தின் தினேஷா தில்ருக்ஷி மிதிவண்டிப் போட்டியில் சாம்பியன்

பொன் விழாவைக் குறிக்கும் வகையில் அலாதியான முறையில் நடைபெறும் 50 ஆவது தேசிய மகா விளையாட்டு விழா - 2026 இற்கு இணையாக இன்று நடைபெற்ற மகளிர் பிரிவிற்கான மிதிவண்டிப் போட்டியில், வடமேல் மாகாணத்தைப் பிரதிநிதித்துவப்படுத்திய ஏ.எம். தினேஷா தில்ருக்ஷி அமோக வெற்றி பெற்று சாம்பியன் பட்டத்தை தனதாக்கியுள்ளார். இளைஞர் விவகாரங்கள் மற்றும் விளையாட்டுத்துறை அமைச்சின் முன்பாக ஆரம்பமான இப்போட்டியை, அவர் 2:16:03 (Hand Timing) மணித்தியாலங்களில் நிறைவு செய்து முதலிடத்தைப் பெற்றுக்கொண்டார். இப்போட்டியின் இரண்டாம் இடத்தையும் வடமேல் மாகாணத்தைச் சேர்ந்த பி.ஏ.எஸ். பிரியதர்ஷனி பெற்றுக்கொண்டதுடன், மேல் மாகாணத்தைப் பிரதிநிதித்துவப்படுத்திய ஆகாஷா சந்தமினி மூன்றாம் இடத்தைப் பெற்றுக்கொண்டார். இதேவேளை, போட்டியின் சிறந்த இடைக்கால வேகப்பந்து வீராங்கனைக்கான 'Inter Medium Sprinter' விருதை வடமேல் மாகாணத்தைச் சேர்ந்த டபிள்யூ.ஆர். மதுமாலி பெர்னாண்டோ வென்றெடுத்தார். இந்த வெற்றிகளின் மூலம், இம்முறை தேசிய மகா விளையாட்டு விழாவின் மகளிர் மிதிவண்டிப் போட்டிகளில் வடமேல் மாகாண வீராங்கனைகள் தங்களது அபார திறமைகளை வெளிப்படுத்தியுள்ளமை குறிப்பிடத்தக்கது.