“என்னைத் தாக்கினால் ஈரான் இதுவரை காணாத பதிலை சந்திக்கும்”; ட்ரம்ப் எச்சரிக்கை!

அமெரிக்க ஜனாதிபதி டொனால்ட் ட்ரம்ப், தன்னை இலக்காகக் கொண்டு ஈரான் தாக்குதல் நடத்தும் பட்சத்தில், அந்த நாட்டின் மீது இதுவரை இல்லாத அளவிலான இராணுவ பதிலடி வழங்குமாறு அதிகாரிகளுக்கு உத்தரவிட்டுள்ளதாக தெரிவித்துள்ளார். நியூயார்க் போஸ்ட் நாளிதழுக்கு வழங்கிய நேர்காணலில், தாம் நீண்டகாலமா…

அமெரிக்க ஜனாதிபதி டொனால்ட் ட்ரம்ப், தன்னை இலக்காகக் கொண்டு ஈரான் தாக்குதல் நடத்தும் பட்சத்தில், அந்த நாட்டின் மீது இதுவரை இல்லாத அளவிலான இராணுவ பதிலடி வழங்குமாறு அதிகாரிகளுக்கு உத்தரவிட்டுள்ளதாக தெரிவித்துள்ளார்.

நியூயார்க் போஸ்ட் நாளிதழுக்கு வழங்கிய நேர்காணலில், தாம் நீண்டகாலமாக ஈரானின் இலக்காக இருந்து வருவதாகக் கூறிய ட்ரம்ப், “எனக்கு ஏதேனும் நடந்தால், அவர்கள் இதுவரை கண்டிராத அளவிலான பதிலை சந்திப்பார்கள்” என்று எச்சரித்தார்.

தன்னைக் கொலை செய்ய ஈரான் புதிய சதித்திட்டம் தீட்டியுள்ளதாக வெளியான தகவல்கள் குறித்து கேட்கப்பட்டபோது, அத்தகைய புதிய தகவல்கள் எதுவும் தமக்குத் தெரியாது என்றும், எனினும் பல ஆண்டுகளாக ஈரான் தம்மை இலக்காகக் கருதி வருவதாக நம்புவதாகவும் அவர் குறிப்பிட்டார்.

2020ஆம் ஆண்டு ஈரானின் உயர்மட்ட இராணுவத் தளபதி காசெம் சுலைமானி மீது அமெரிக்கா நடத்திய தாக்குதலுக்குப் பிறகு, ஈரானிடமிருந்து தமக்கு அச்சுறுத்தல் நீடித்து வருவதாக ட்ரம்ப் முன்னரும் பலமுறை தெரிவித்திருந்தார்.

அண்மையில் நடைபெற்ற நேட்டோ உச்சிமாநாட்டில் பங்கேற்ற பின்னர், தனது பயணத் திட்டங்களில் பாதுகாப்பு காரணங்களுக்காக மாற்றம் செய்யப்பட்டதை வெள்ளை மாளிகையும் உறுதிப்படுத்தியுள்ளது.

இதனிடையே, அமெரிக்கா–ஈரான் உறவுகள், அணு ஒப்பந்தம் மற்றும் பிராந்திய பாதுகாப்பு விவகாரங்கள் தொடர்பாக இரு நாடுகளுக்கும் இடையிலான பதற்றம் தொடர்ந்தும் நீடித்து வருகிறது.

ட்ரம்பின் கருத்துகள் தொடர்பாக ஈரான் தரப்பில் இதுவரை அதிகாரப்பூர்வ பதில் வெளியாகவில்லை.