இந்திய இசை உலகின் குயில் எஸ். ஜானகி காலமானார்!

இந்திய திரையிசை உலகின் தலைசிறந்த பின்னணி பாடகிகளில் ஒருவரான எஸ். ஜானகி, வயது மூப்பு காரணமாக இன்று தனது 88ஆவது வயதில் காலமானார் என அவரது குடும்பத்தினர் தெரிவித்துள்ளனர். ஆறு தசாப்தங்களுக்கும் மேலாக நீண்ட இசைப் பயணத்தில், 40 ஆயிரத்திற்கும் மேற்பட்ட பாடல்களைப் பாடி இந்திய இசை உலகில…

இந்திய திரையிசை உலகின் தலைசிறந்த பின்னணி பாடகிகளில் ஒருவரான எஸ். ஜானகி, வயது மூப்பு காரணமாக இன்று தனது 88ஆவது வயதில் காலமானார் என அவரது குடும்பத்தினர் தெரிவித்துள்ளனர்.

ஆறு தசாப்தங்களுக்கும் மேலாக நீண்ட இசைப் பயணத்தில், 40 ஆயிரத்திற்கும் மேற்பட்ட பாடல்களைப் பாடி இந்திய இசை உலகில் தனக்கென அழியாத இடத்தைப் பிடித்தவர் எஸ். ஜானகி. தனது இனிமையான குரலாலும், உணர்வுகளை வெளிப்படுத்தும் தனித்துவமான பாடல் பாணியாலும் கோடிக்கணக்கான ரசிகர்களின் மனதில் நீங்கா இடம்பிடித்தார்.

தமிழ் திரையுலகில் எம்.எஸ். விஸ்வநாதன், இளையராஜா, ஏ.ஆர். ரகுமான் உள்ளிட்ட முன்னணி இசையமைப்பாளர்களின் இசையில் ஏராளமான சூப்பர் ஹிட் பாடல்களைப் பாடியுள்ளார். மேலும் தமிழ், தெலுங்கு, மலையாளம், கன்னடம், இந்தி உள்ளிட்ட பல்வேறு மொழிகளில் தனது குரலைப் பதித்து இந்தியாவின் தலைசிறந்த பின்னணி பாடகியாகத் திகழ்ந்தார்.

நான்கு முறை தேசிய திரைப்பட விருதுகளை வென்றுள்ள எஸ். ஜானகியின் மறைவு, இந்திய இசை உலகிற்கும் அவரது ரசிகர்களுக்கும் பேரிழப்பாகக் கருதப்படுகிறது.