கவச உடைகளை அணியுமாறு அறிவுறுத்தல்

டெங்குத் தொற்றைக் கட்டுப்படுத்தும் முன்னெச்சரிக்கை நடவடிக்கைகளின் ஒரு பகுதியாக, முன்பள்ளிச் செல்லும் குழந்தைகள் கைகளையும் கால்களையும் முழுமையாக மறைக்கும் வகையிலான ஆடைகளை அணிவதை உறுதிப்படுத்துமாறு பெற்றோர்களுக்கு அறிவுறுத்தப்பட்டுள்ளதாக, சிறுவர் விவகார அமைச்சர் சரோஜா சாவித்திரி ப…

டெங்குத் தொற்றைக் கட்டுப்படுத்தும் முன்னெச்சரிக்கை நடவடிக்கைகளின் ஒரு பகுதியாக, முன்பள்ளிச் செல்லும் குழந்தைகள் கைகளையும் கால்களையும் முழுமையாக மறைக்கும் வகையிலான ஆடைகளை அணிவதை உறுதிப்படுத்துமாறு பெற்றோர்களுக்கு அறிவுறுத்தப்பட்டுள்ளதாக, சிறுவர் விவகார அமைச்சர் சரோஜா சாவித்திரி போல்ராஜ் தெரிவித்தார்.

திங்கட்கிழமை (13) அன்று ஊடகங்களுக்குக் கருத்துத் தெரிவிக்கும் போதே அவர் இதனை வலியுறுத்தினார். இந்தப் பணிப்புரை பாடசாலைகளுக்கு மட்டுமல்லாது, குறிப்பாக முன்பள்ளிகளுக்கும் பொருந்தும் என்று அவர் சுட்டிக்காட்டினார். எனவே, குழந்தைகளை வகுப்பிற்கு அனுப்பும் முன்பாக, அவர்களுக்குப் பொருத்தமான பாதுகாப்பு ஆடைகளை அணிவிக்குமாறு பெற்றோர்களை அவர் கேட்டுக்கொண்டார்.

மேலும், குழந்தைகளுக்குப் பாதுகாப்பான நுளம்பு விரட்டிகளை (Mosquito repellents) தகுந்த முறையில் பயன்படுத்துமாறும், நுளம்புக் கடிகளிலிருந்து குழந்தைகளைப் பாதுகாக்கச் சாத்தியமான அனைத்து முன்னெச்சரிக்கை நடவடிக்கைகளையும் எடுக்குமாறும் அமைச்சர் பெற்றோர்களுக்கு ஆலோசனை வழங்கினார்.

கல்வி நிறுவனங்களில் டெங்குத் தொற்று அபாயம் தொடர்ந்து கவலையளிக்கும் ஒன்றாக இருப்பதைக் குறிப்பிட்ட அவர், எதிர்வரும் இரண்டு வாரங்கள் மிகவும் முக்கியமானவை என எச்சரித்தார். எனவே, பெற்றோர்கள் மிகுந்த விழிப்புணர்வுடன் இருக்குமாறும் அவர் வேண்டுகோள் விடுத்தார்.