பிரபல சமூக ஊடக பிரபலங்களான சகோதரர்கள் அண்ட்ரூ டேட் மற்றும் டிரிஸ்டன் டேட் ஆகியோர் அமெரிக்காவில் கைது செய்யப்பட்டுள்ளனர். பாலியல் வன்கொடுமை, மனித கடத்தல் மற்றும் உடல் ரீதியான கடுமையான தாக்குதல் உள்ளிட்ட 38 புதிய குற்றச்சாட்டுகளை பிரித்தானியா அதிகாரிகள் அவர்கள் மீது பதிவு செய்ததைத…
பிரபல சமூக ஊடக பிரபலங்களான சகோதரர்கள் அண்ட்ரூ டேட் மற்றும் டிரிஸ்டன் டேட் ஆகியோர் அமெரிக்காவில் கைது செய்யப்பட்டுள்ளனர்.
பாலியல் வன்கொடுமை, மனித கடத்தல் மற்றும் உடல் ரீதியான கடுமையான தாக்குதல் உள்ளிட்ட 38 புதிய குற்றச்சாட்டுகளை பிரித்தானியா அதிகாரிகள் அவர்கள் மீது பதிவு செய்ததைத் தொடர்ந்து இந்த அதிரடி நடவடிக்கை எடுக்கப்பட்டுள்ளது.
அமெரிக்கா மற்றும் பிரித்தானியா ஆகிய இரு நாடுகளின் குடியுரிமையையும் கொண்டுள்ள இந்த சகோதரர்களை, தங்கள் நாட்டில் விசாரணைக்கு உட்படுத்துவதற்காக பிரித்தானியா அரசு தங்களை நோக்கி ஒப்படைக்குமாறு கோரியுள்ளது.குற்றச்சாட்டுகள்
பிரித்தானியாவின் அரச வழக்குரைஞர் சேவை (CPS) வெளியிட்டுள்ள தகவலின்படி, புதிதாக கண்டறியப்பட்ட 4 பாதிக்கப்பட்ட நபர்களின் ஆதாரங்களின் அடிப்படையில் இந்த புதிய குற்றச்சாட்டுகள் சுமத்தப்பட்டுள்ளன.
இதன் மூலம் இருவர் மீதும் பிரித்தானியாவில் பதிவு செய்யப்பட்டுள்ள மொத்த குற்றச்சாட்டுகளின் எண்ணிக்கை 59 ஆக உயர்ந்துள்ளது. 2010 ஜூலை முதல் 2017 ஆகஸ்ட் வரையிலான காலகட்டத்தில் இந்த குற்றங்கள் நிகழ்ந்துள்ளதாக அதிகாரிகள் தரப்பில் தெரிவிக்கப்பட்டுள்ளது.கைது
அமெரிக்காவின் மியாமி நகரில் வைத்து 'யு.எஸ் மார்ஷல்ஸ்' அமைப்பால் இந்த இருவரும் கைது செய்யப்பட்டுள்ளதாக ஊடகங்கள் தெரிவித்துள்ளன.
தங்களுக்கு எதிரான அனைத்து குற்றச்சாட்டுகளையும் டேட் சகோதரர்கள் திட்டவட்டமாக மறுத்துள்ளனர்.
2022 டிசம்பர் முதல் ரோமேனியா நாட்டிலும் இவர்கள் மீது மனித கடத்தல் மற்றும் பாலியல் வன்கொடுமை தொடர்பான குற்றவியல் வழக்கு விசாரணை நிலுவையில் இருப்பது குறிப்பிடத்தக்கது.