மத யாத்திரைகளுக்குத் தடை இல்லை : தொழிலாளர் அமைச்சு விளக்கம்

தம்பாதிவா மற்றும் தாய்லாந்திற்கான சமய யாத்திரைகளைத் தடை செய்ய, தொழிலாளர் அமைச்சரும் நிதி மற்றும் திட்டமிடல் பிரதி அமைச்சருமான அனில் ஜயந்த பெர்னாண்டோ பரிந்துரைத்ததாகக் கூறப்படும் சமூக ஊடகக் கூற்றுகளை தொழிலாளர் அமைச்சு பொய்யென நிராகரித்துள்ளது. ஓர் அறிக்கையில், அந்தக் குற்றச்சாட்ட…

தம்பாதிவா மற்றும் தாய்லாந்திற்கான சமய யாத்திரைகளைத் தடை செய்ய, தொழிலாளர் அமைச்சரும் நிதி மற்றும் திட்டமிடல் பிரதி அமைச்சருமான அனில் ஜயந்த பெர்னாண்டோ பரிந்துரைத்ததாகக் கூறப்படும் சமூக ஊடகக் கூற்றுகளை தொழிலாளர் அமைச்சு பொய்யென நிராகரித்துள்ளது.

ஓர் அறிக்கையில், அந்தக் குற்றச்சாட்டு முற்றிலும் புனையப்பட்டது என்றும், அமைச்சர் அப்படி ஒரு அறிக்கையை ஒருபோதும் வெளியிடவில்லை என்றும் அமைச்சகம் தெளிவுபடுத்தியுள்ளது.பொய்யான கூற்றுக்கள் பரப்பப்பட்டு வருவதாக  இலங்கையின் சமூக, அரசியல் மற்றும் மத நல்லிணக்கத்தைச் சீர்குலைக்கும் நோக்கில் குறுகிய அரசியல் நோக்கங்களைக் கொண்ட குழுக்களால் இந்தப் பொய்யான கூற்றுக்கள் பரப்பப்பட்டு வருவதாக அமைச்சு மேலும் குற்றம் சாட்டியுள்ளது.

வன்மையாகக் கண்டனம் தெரிவித்த அமைச்சு, பொதுமக்களைத் தவறாக வழிநடத்தும் நோக்கம் கொண்ட தரம் குறைந்த பொய்ப் பிரசாரம் பரப்பப்பட்டதற்கு ஆழ்ந்த வருத்தம் தெரிவித்துள்ளது.