உலகக்கிண்ண கால்பந்து தொடரில் அதிக கோல்கள் அடிக்கும் வீரருக்கு வழங்கப்படும் ‘தங்க காலணி’ (Golden Boot) விருதை வெல்லும் போட்டி இறுதிக்கட்டத்தை எட்டியுள்ளது. தற்போதைய கோல் கணக்கின் அடிப்படையில், லியோனல் மெஸ்ஸி மற்றும் கிலியன் எம்பாப்பே தலா 8 கோல்கள் அடித்து முன்னிலையில் உள்ளனர். அவ…
உலகக்கிண்ண கால்பந்து தொடரில் அதிக கோல்கள் அடிக்கும் வீரருக்கு வழங்கப்படும் ‘தங்க காலணி’ (Golden Boot) விருதை வெல்லும் போட்டி இறுதிக்கட்டத்தை எட்டியுள்ளது.
தற்போதைய கோல் கணக்கின் அடிப்படையில், லியோனல் மெஸ்ஸி மற்றும் கிலியன் எம்பாப்பே தலா 8 கோல்கள் அடித்து முன்னிலையில் உள்ளனர். அவர்களைத் தொடர்ந்து இங்கிலாந்தின் ஹாரி கேன் மற்றும் ஜூட் பெல்லிங்ஹாம் தலா 6 கோல்கள் அடித்து போட்டியில் நீடித்து வருகின்றனர்.
அரையிறுதி மற்றும் இறுதிப்போட்டிகளில் இந்த வீரர்களுக்கு மேலும் கோல்கள் அடிக்கும் வாய்ப்பு இருப்பதால், ‘தங்க காலணி’ விருதை யார் கைப்பற்றுவார் என்பது ரசிகர்களிடையே பெரும் எதிர்பார்ப்பை ஏற்படுத்தியுள்ளது.
இதற்கிடையில், நோர்வே அணியின் எர்லிங் ஹாலண்ட் 7 கோல்கள் அடித்திருந்த போதிலும், அவரது அணி தொடரிலிருந்து வெளியேறியதால் தங்க காலணி விருதுக்கான போட்டியில் இருந்து விலகியுள்ளார்.
உலகக்கிண்ண தொடரின் அரையிறுதிப் போட்டிகள் விரைவில் நடைபெறவுள்ளன. ஜூலை 14ஆம் திகதி நடைபெறும் முதல் அரையிறுதியில் பிரான்ஸ் மற்றும் ஸ்பெயின் அணிகள் மோதவுள்ளன. தொடர்ந்து ஜூலை 15ஆம் திகதி நடைபெறும் மற்றொரு அரையிறுதியில் அர்ஜென்டினா மற்றும் இங்கிலாந்து அணிகள் பலப்பரீட்சை நடத்தவுள்ளன.