உலகக்கோப்பை கால்பந்து இரு ஊடகவியலாளர்கள் விபத்தில் பலி

உலகக்கோப்பை கால்பந்து போட்டியின் அரையிறுதி ஆட்டத்தைப் பார்த்துவிட்டு வீடு திரும்பிக்கொண்டிருந்த இரு ஊடகவியலாளர்கள், டாக்கா உத்தர பகுதியில் இடம்பெற்ற வாகன விபத்தில் சிக்கி உயிரிழந்துள்ளனர். ‘பிரானர் பங்களாதேஷ்’ (Praner Bangladesh) ஊடகவியலாளர் ரபியுல் ஆலம் ராஜு மற்றும் ‘சங்க்பாத்…

உலகக்கோப்பை கால்பந்து போட்டியின் அரையிறுதி ஆட்டத்தைப் பார்த்துவிட்டு வீடு திரும்பிக்கொண்டிருந்த இரு ஊடகவியலாளர்கள், டாக்கா உத்தர பகுதியில் இடம்பெற்ற வாகன விபத்தில் சிக்கி உயிரிழந்துள்ளனர்.

‘பிரானர் பங்களாதேஷ்’ (Praner Bangladesh) ஊடகவியலாளர் ரபியுல் ஆலம் ராஜு மற்றும் ‘சங்க்பாத் திகந்தா’ (Sangbad Diganta) ஊடகவியலாளர் சகிபுல் ஹசன் என அடையாளம் காணப்பட்டுள்ளனர். இவர்கள் இருவரும் உத்தர பிரஸ் கிளப்பின் உறுப்பினர்கள் எனப் பொலிஸார் தெரிவித்தனர்.

வியாழக்கிழமை (16) அதிகாலை 4:00 மணியளவில், உத்தர செக்டர் 3-இல் உள்ள ஜசிமுதீன் பேருந்து நிலையத்திற்கு அருகில் இந்த விபத்து இடம்பெற்றுள்ளது. தொங்கியை நோக்கிச் சென்ற பேருந்து ஒன்று, இவர்கள் பயணித்த மோட்டார் சைக்கிள் மீது மோதியதாக உத்தர மேற்கு காவல் நிலையத்தின் பொறுப்பதிகாரி காலித் மன்சூர் தெரிவித்தார்.

உத்தரவில் உள்ள ஒரு பகுதியில் பெரிய திரையில் இங்கிலாந்து-அர்ஜென்டினா உலகக்கோப்பை அரையிறுதிப் போட்டியைப் பார்த்துவிட்டு இவர்கள் வீடு திரும்பிக்கொண்டிருந்த போதே இந்தத் துரதிர்ஷ்டவசமான விபத்து நிகழ்ந்துள்ளது. விபத்தில் பலத்த காயமடைந்த இருவரும் குருமிடோலா பொது மருத்துவமனைக்குக் கொண்டு செல்லப்பட்ட போதிலும், அங்கு அவர்கள் ஏற்கனவே உயிரிழந்துவிட்டதாக மருத்துவர்கள் அறிவித்தனர்.

விபத்தை ஏற்படுத்திய பேருந்து சம்பவ இடத்திலிருந்து தப்பிச் சென்றுள்ளது. அந்த வாகனத்தையும் அதன் சாரதியையும் அடையாளம் காணப் பொலிஸார் தீவிர நடவடிக்கைகளை மேற்கொண்டு வருவதாகப் பொறுப்பதிகாரி மேலும் தெரிவித்தார்.