அவதானம் ; மீனவர்களுக்கு விடுக்கப்பட்டுள்ள எச்சரிக்கை!

யாழ்ப்பாணம் காங்கேசன்துறை முதல் மன்னார், கொழும்பு, காலி மற்றும் ஹம்பாந்தோட்டை முதல் பொத்துவில் வரையிலான கடற்பகுதிகளுக்கு வளிமண்டலவியல் திணைக்களம் எச்சரிக்கை விடுத்துள்ளது. அதன்படி, காங்கேசன்துறை முதல் மன்னார், கொழும்பு, காலி மற்றும் ஹம்பாந்தோட்டை முதல் பொத்துவில் வரையிலான கடலோரப…

யாழ்ப்பாணம் காங்கேசன்துறை முதல் மன்னார், கொழும்பு, காலி மற்றும் ஹம்பாந்தோட்டை முதல் பொத்துவில் வரையிலான கடற்பகுதிகளுக்கு வளிமண்டலவியல் திணைக்களம் எச்சரிக்கை விடுத்துள்ளது.

அதன்படி, காங்கேசன்துறை முதல் மன்னார், கொழும்பு, காலி மற்றும் ஹம்பாந்தோட்டை முதல் பொத்துவில் வரையிலான கடலோரப் பகுதிகளில் காற்றின் வேகம் அவ்வப்போது மணிக்கு 50-60 கி.மீ. வரை அதிகரிக்கும் என்றும், கடற்பகுதிகள் அவ்வப்போது கொந்தளிப்பாக மாறக்கூடும் என்றும் அந்த அறிவிப்பில் கூறப்பட்டுள்ளது. கொழும்பு, காலி மற்றும் ஹம்பாந்தோட்டை வழியாக சிலாபம் முதல் பொத்துவில் வரையிலான கடலோரப் பகுதிகளில் கடல் மட்டம் சுமார் 2.0-3.0 மீட்டர் வரை உயர வாய்ப்புள்ளது.

எனவே, மீன்பிடி மற்றும் கடற்படை சமூகத்தினர் இது தொடர்பாக விழிப்புடன் இருக்குமாறும், வளிமண்டலவியல் திணைக்களத்தால் வெளியிடப்படும் ஆலோசனைகளுக்கு எச்சரிக்கையாக இருக்குமாறும் கேட்டுக்கொண்டுள்ளது.