වසරේ මේ දක්වා වාර්තා වී ඇති ඩෙංගු රෝගීන් සංඛ්යාව 55,000 ඉක්මවා ගොස් තිබෙනවා. ඒ අනුව ඩෙංගු රෝගීන් 55,406ක් වාර්තා වන බවයි ජාතික ඩෙංගු මර්දන ඒකකය පැවසුවේ. ඩෙංගු මරණ සංඛ්යාව ද 32 දක්වා ඉහළ ගොස් තිබෙනවා. ගත වූ පැය 24ක කාලය තුළ පමණක් ඩෙංගු රෝගීන් 1,024ක් වාර්තා වී ඇති බවයි ජාතික ඩෙ…
වසරේ මේ දක්වා වාර්තා වී ඇති ඩෙංගු රෝගීන් සංඛ්යාව 55,000 ඉක්මවා ගොස් තිබෙනවා. ඒ අනුව ඩෙංගු රෝගීන් 55,406ක් වාර්තා වන බවයි ජාතික ඩෙංගු මර්දන ඒකකය පැවසුවේ. ඩෙංගු මරණ සංඛ්යාව ද 32 දක්වා ඉහළ ගොස් තිබෙනවා. ගත වූ පැය 24ක කාලය තුළ පමණක් ඩෙංගු රෝගීන් 1,024ක් වාර්තා වී ඇති බවයි ජාතික ඩෙංගු මර්දන ඒකකය වැඩිදුරටත් පැවසුවේ. මේ අතර ඩෙංගු රෝගීන් හේතුවෙන් උපරිම ධාරිතාව දක්වා ඉහළ ගොස් ඇති රෝහල් පද්ධතිය පාලනය කිරීමට නොහැකි වුවහොත් ඉදිරියේදී ඩෙංගු මරණ සංඛ්යාව ඉහළ යා හැකි බව ශ්රි ලංකා වෛද්ය සංගමය පවසනවා. ඒ අනුව ඩෙංගු පාලනය කිරීම සදහා ජනතාව තවදුරටත් අවශ්ය සහාය ලබා දිය යුතු බවයි එම සංගමයේ සභාපති විශේෂඥ වෛද්ය මනිල්ක සුමනතිලක මහතා පැවසුවේ. ඩෙංගු රෝගීන් වැඩි වශයෙන් වාර්තා වන ග්රාම නිලධාරී වසම් කේන්ද්ර කර ගනිමින් ඩෙංගු පාලනය කිරීම සදහා ඉදිරියේදීද වැඩසටහන් ක්රියාත්මක කරන බවයි විෂය භාර අමාත්ය නලින්ද ජයතිස්ස මහතා පැවසුවේ. මේ අතර රට තුළ සීඝ්රයෙන් ඉහළ යන ඩෙංගු රෝග ව්යාප්තිය පාලනය කිරීම සඳහා සෞඛ්ය හා ජනමාධ්ය අමාත්යාංශය එක්ව විශේෂ ඩෙංගු මෙහෙයුම් මැදිරියක් ස්ථාපිත කර තිබෙනවා. ඩෙංගු රෝග ව්යාප්තියට අදාළ ඕනෑම තොරතුරක්, පැමිණිල්ලක් හෝ අවශ්ය දැනුවත් කිරීම් කඩිනමින් යොමු කිරීම සඳහායි මෙම මෙහෙයුම් මැදිරිය ක්රියාත්මක වන්නේ. ඒ අනුව, මහජනතාව වෙනුවෙන් විශේෂ දුරකතන අංකයක් ද හඳුන්වා දී තිබෙනවා. එම දුරකතන අංකය වන්නේ 011 – 7 96 63 66