ஹட்டன் - கொழும்பு பிரதான வீதியில் கடும் பனிமூட்டம்; சாரதிகள் அவதானம்

ஹட்டன் - கொழும்பு பிரதான வீதியில் நிலவும் கடும் பனிமூட்டம் காரணமாக, அவ்வீதியைப் பயன்படுத்தும் வாகன சாரதிகளும் பொதுமக்களும் மிகுந்த அவதானத்துடன் செயற்படுமாறு அறிவுறுத்தப்பட்டுள்ளனர். பனிமூட்டம் காரணமாக வீதியின் பார்வைத்திறன் (Visibility) மிகக் குறைவாகக் காணப்படுவதால், விபத்துகளைத…

ஹட்டன் - கொழும்பு பிரதான வீதியில் நிலவும் கடும் பனிமூட்டம் காரணமாக, அவ்வீதியைப் பயன்படுத்தும் வாகன சாரதிகளும் பொதுமக்களும் மிகுந்த அவதானத்துடன் செயற்படுமாறு அறிவுறுத்தப்பட்டுள்ளனர்.

பனிமூட்டம் காரணமாக வீதியின் பார்வைத்திறன் (Visibility) மிகக் குறைவாகக் காணப்படுவதால், விபத்துகளைத் தவிர்க்கப் பின்வரும் பாதுகாப்பு நடவடிக்கைகளைப் பின்பற்றுமாறு சாரதிகள் கேட்டுக்கொள்ளப்படுகிறார்கள்:

வாகனத்தின் முகப்பு விளக்குகளை (Low beam) ஒளிரவிட்டுச் செல்லுங்கள்.

வாகனத்தின் வேகத்தைக் குறைத்து, முன்னால் செல்லும் வாகனத்திற்கும் உங்கள் வாகனத்திற்கும் இடையே போதிய இடைவெளியைப் பேணுங்கள்.

வாகனங்களில் பொருத்தப்பட்டுள்ள மூடுபனி விளக்குகளை (Fog lights) பயன்படுத்துங்கள்.

தேவையற்ற பயணங்களைத் தவிர்ப்பதுடன், பயணத்தின் போது கூடுதல் கவனத்துடன் வாகனத்தைச் செலுத்துங்கள்.