හිටපු පොලිස්පති සී ඩී වික්රමරත්න මහතා මියගොස් ඇත්තේ ඔහුගේ පෞද්ගලික ආරක්ෂකයාගේ ගිනි අවියෙන් කළ වෙඩි තැබීමකින් බව පොලිස් පරීක්ෂණවලදී අනාවරණය කර ගෙන තිබෙනවා. වෙඩි තබා ගැනීම ඔහු විසින්ම මාලඹේ, තලාහේන ප්රදේශයේ පිහිටි සිය නිවසේදී සිදුකරගෙන ඇති බවටයි පොලීසිය සැක කරන්නේ. හිටපු පොලිස…
හිටපු පොලිස්පති සී ඩී වික්රමරත්න මහතා මියගොස් ඇත්තේ ඔහුගේ පෞද්ගලික ආරක්ෂකයාගේ ගිනි අවියෙන් කළ වෙඩි තැබීමකින් බව පොලිස් පරීක්ෂණවලදී අනාවරණය කර ගෙන තිබෙනවා. වෙඩි තබා ගැනීම ඔහු විසින්ම මාලඹේ, තලාහේන ප්රදේශයේ පිහිටි සිය නිවසේදී සිදුකරගෙන ඇති බවටයි පොලීසිය සැක කරන්නේ. හිටපු පොලිස්පති සී ඩී වික්රමරත්න මහතා මෙලෙස හදිසියේ මියගියේ අද පෙරවරුවේයි. උදැසන 7.15 ට පමණ වෙඩි තබාගැනීම සිදුව ඇතැයි පොලීසිය පවසනවා. මියගිය සී ඩී වික්රමරත්න මහතාගේ සිරුර මීට නොබෝ වේලාවකට පෙර මුල්ලේරියා රෝහල වෙත රැගෙන ගිය බව එහි සිටින නෙත් නිවුස් නියෝජිතයා පැවසුවේ. මේ අතර සී ඩි වික්රමරත්න මහතා මෙලෙස දිවි හානිකර ගෙන ඇත්තේ ඔහුගේ පුත්රයෙකුගේ නඩු කටයුත්තක් සම්බන්ධයෙන් ඇති වූ තැති ගැන්මක් නිසා බවට තොරතුරු ලැබී තිබෙනවා. ප්රශ්නගත නඩු කටයුත්ත පෞද්ගලික කාරණාවක් සම්බන්ධයෙන් බවයි වැඩිදුරටත් කියවුණේ.