ලෝක කුසලාන පාපන්දු තරඟාවලිය උණුසුම් කරමින් ජාත්යන්තර පාපන්දු සම්මේලනය හෙවත් ෆීෆා ආයතනය විසින් ගනු ලැබූ ආන්දෝලනාත්මක තීරණයක් පිළිබඳ මේ වන විට ලෝකයේම අවධානය යොමුව තිබෙනවා. මෙම ආන්දෝලනය ඇතිවී තිබෙන්නේ රතු කාඩ්පතක් ලැබී තරඟ තහනමකට ලක්ව සිටි ඇමරිකානු සුපිරි ක්රීඩක ෆොලරින් බලෝගුන්ට…
ලෝක කුසලාන පාපන්දු තරඟාවලිය උණුසුම් කරමින් ජාත්යන්තර පාපන්දු සම්මේලනය හෙවත් ෆීෆා ආයතනය විසින් ගනු ලැබූ ආන්දෝලනාත්මක තීරණයක් පිළිබඳ මේ වන විට ලෝකයේම අවධානය යොමුව තිබෙනවා. මෙම ආන්දෝලනය ඇතිවී තිබෙන්නේ රතු කාඩ්පතක් ලැබී තරඟ තහනමකට ලක්ව සිටි ඇමරිකානු සුපිරි ක්රීඩක ෆොලරින් බලෝගුන්ට බෙල්ජියම සමග අද පැවැති තරඟයට ක්රීඩා කිරීමට ෆීෆා ආයතනය අවස්ථාව ලබාදීමයි. ඉකුත් බදාදා බොස්නියා කණ්ඩායම සමඟ පැවැති තරඟයේදී ප්රතිවාදී ක්රීඩකයෙකුගේ ආබාධයකට වගකිව යුතු යැයි කියමින් විනිසුරුවන් බලෝගුන්ට රතු කාඩ්පතක් පෙන්වා පිටියෙන් ඉවත් කළා. ෆීෆා නීතිවලට අනුව රතු කාඩ්පතක් ලැබෙන ක්රීඩකයෙකුට ඊළඟ තරඟය ස්වයංක්රීයවම තහනම් වනවා. නමුත් මෙම රීතිය ද නොසලකා හරිමින් බලෝගුන්ට අද තරඟය සඳහා සහභාගි වීමට අවස්ථාව ලබාදීමට ෆීෆා ආයතනය තීරණය කර ඇත්තේ ඇමරිකානු ජනාධිපති ඩොනල්ඩ් ට්රම්ප්ගේ සෘජු මැදිහත් වීමක් නිසා බවයි පැවසෙන්නේ. ජනාධිපතිවරයා ෆීෆා ප්රධානී ජියානි ඉන්ෆැන්ටිනෝ වෙත සෘජුවම දුරකථන ඇමතුමක් ලබා දෙමින් තීරණය නැවත සලකා බලන ලෙස ඉල්ලා ඇතැයි විදෙස් මාධ්ය වාර්තා කර තිබෙනවා. ඉන් අනතුරුවයි ෆීෆා ආයතනය සිය විනය නීති මාලාවේ විශේෂ ප්රතිපාදනයක් භාවිත කරමින් බලෝගුන්ගේ තරඟ තහනම අත්හිටුවීමට පියවර ගෙන ඇත්තේ. දේශපාලන බලපෑම් මත 1962 වසරෙන් පසු ලෝක කුසලාන තරඟාවලියකදී රතු කාඩ්පතක් මෙලෙස අවලංගු කළ පළමු අවස්ථාව මෙයයි. මෙම තීරණයට එරෙහිව බෙල්ජියම් පාපන්දු සංගමය මෙන්ම යුරෝපා පාපන්දු සම්මේලනය ද දැඩි විරෝධය පළ කර සිටිනවා. ඔවුන් පවසන්නේ දේශපාලන මැදිහත්වීම් මත මෙලෙස නීති වෙනස් කිරීම පාපන්දු ක්රීඩාවේ සාධාරණත්වයට සහ විශ්වාසනීයත්වයට එල්ල වූ දරුණු පහරක් බවයි. මේ සම්බන්ධයෙන් බෙල්ජියම ඉදිරිපත් කළ අභියාචනය ද ෆීෆා ආයතනය විසින් ප්රතික්ෂේප කර තිබෙනවා. කෙසේ වෙතත්, ඇමරිකානු කණ්ඩායමේ පුහුණුකරු මෙයට පක්ෂව අදහස් දක්වමින් කියා සිටියේ, එදා බලෝගුන්ට රතු කාඩ්පතක් දීමම අසාධාරණ බවත්, ක්රීඩාවේ ඇති ප්රබලත්වය නිසාම මෙවැනි මැදිහත්වීම් සිදුවන බවයි