சென்னையை அடுத்த கூடுவாஞ்சேரி பகுதியில் கர்ப்பிணிப் பெண் ஒருவர் படுகொலை செய்யப்பட்டு, அவரது உடல் பாகங்கள் சூட்கேஸில் அடைத்து ஆக்ராவிற்கு அனுப்பப்பட்ட சம்பவம் ஒட்டுமொத்த தமிழகத்தையும் அதிர்ச்சியிலும் உறைந்துபோகச் செய்துள்ளது. தங்களைத் திருமணம் செய்து கொள்ளுமாறு வலியுறுத்தியதால் ஆத…
சென்னையை அடுத்த கூடுவாஞ்சேரி பகுதியில் கர்ப்பிணிப் பெண் ஒருவர் படுகொலை செய்யப்பட்டு, அவரது உடல் பாகங்கள் சூட்கேஸில் அடைத்து ஆக்ராவிற்கு அனுப்பப்பட்ட சம்பவம் ஒட்டுமொத்த தமிழகத்தையும் அதிர்ச்சியிலும் உறைந்துபோகச் செய்துள்ளது.
தங்களைத் திருமணம் செய்து கொள்ளுமாறு வலியுறுத்தியதால் ஆத்திரமடைந்த ஒடிசாவைச் சேர்ந்த மாணிக் உத்தின் லஸ்கர் மற்றும் பகபதி மாஜி ஆகிய தம்பதியினர் இந்தக் கொடூரச் செயலில் ஈடுபட்டுள்ளனர். பாதிக்கப்பட்ட பெண் தூங்கிக் கொண்டிருக்கும்போது முகத்தில் மயக்க மருந்து தெளித்து, பின்னர் அவரது கழுத்தை அறுத்து அவர்கள் இந்தக் கொலையை அரங்கேற்றியுள்ளனர்.
கொலைக்குப் பிறகு கொலையாளிகள் செய்த காரியங்கள் மனித குலமே வெட்கித் தலைகுனிய வைக்கும் அளவிற்கு மிகவும் கோரமாகியுள்ளது. பாதிக்கப்பட்ட பெண்ணின் உடலில் இருந்த ரத்தம் முழுவதையும் பிரியாணி அண்டாவில் வடியவிட்ட அவர்கள், உடலை மின்விசிறியில் தலைகீழாகத் தொங்கவிட்டுக்கூறு போட்டுள்ளனர். மேலும், அந்தப் பெண்ணின் தலைமுடியை மொட்டையடித்து, இரண்டு கண்களையும் பிரித்து எடுத்துவிட்டு, உடல் பாகங்களைச் சூட்கேஸில் அடைத்து அகிராவிற்கு அனுப்பி வைத்ததாகக் காவல் விசாரணையில் தெரியவந்துள்ளது.