மைதானத்தில் கதறி அழுது கண்ணீருடன் விடைபெற்றார் பிரேசில் நட்சத்திர வீரர் நெய்மர்..!

உலகக் கோப்பை கால்பந்து தொடரின் 16 அணிகள் சுற்றில் நோர்வேயிடம் 2-1 என்ற கோல் கணக்கில் தோல்வியடைந்ததைத் தொடர்ந்து, பிரேசில் நட்சத்திர வீரர் நெய்மர் தனது சர்வதேச கால்பந்து வாழ்க்கை முடிவுக்கு வந்துவிட்டதாக உணர்ச்சிபூர்வமாக தெரிவித்துள்ளார். அமெரிக்காவின் நியூ ஜெர்சியில் உள்ள மெட்லை…

அமெரிக்காவின் நியூ ஜெர்சியில் உள்ள மெட்லைஃப் மைதானத்தில் நடைபெற்ற இந்தப் போட்டியில், நோர்வே அணியின் நட்சத்திர வீரர் எர்லிங் ஹாலண்ட் இரண்டு கோல்களைப் பதிவு செய்து தனது அணிக்கு வெற்றியைத் தேடித்தந்தார்.கண்ணீருடன் விடைபெற்றார்..

பிரேசில் அணிக்காக கூடுதல் நேரத்தில் நெய்மர் பெனால்டி வாயிலாக ஒரு ஆறுதல் கோலை மட்டுமே அடித்தார்.

இந்தபோட்டியின் தோல்வியால், 1990ஆம் ஆண்டுக்குப் பிறகு உலகக் கோப்பையில் பிரேசில் அணி இவ்வளவு விரைவாக வெளியேறுவது இதுவே முதல் முறையாகும்.INEXPLICÁVEL não deixar um cara desse jogar desde o início nas oitavas de uma Copa do Mundo. pic.twitter.com/2xkwzztkST— Rafael Gloves (@rafaelgloves) July 5, 2026 போட்டி முடிந்தவுடன் மைதானத்திலேயே கண்ணீருடன் சரிந்த நெய்மரை அவரது சக வீரர்கள் ஆறுதல் கூறினர்.

"நான் முயற்சி செய்தேன்... மீண்டும் மீண்டும் முயற்சி செய்தேன். இப்போது எல்லாம் முடிந்துவிட்டது. இங்குதான் என் பயணம் தொடங்கியது; இங்குதான் அது முடிகிறது," என அவர் தொலைக்காட்சியிடம் உருக்கமாக கூறினார்.கால்பந்து ஜாம்பவான்

2010ஆம் ஆண்டு அமெரிக்காவுக்கு எதிரான நட்பு ஆட்டத்தின் மூலம் சர்வதேச கால்பந்தில் அறிமுகமான நெய்மர், தனது முதல் சர்வதேச கோலையும் அதே மைதானத்திலேயே பதிவு செய்திருந்தார்.

அவர் தனது சர்வதேச வாழ்க்கையை 80 கோல்களுடன் பிரேசிலின் அதிக கோல்கள் அடித்த வீரராக நிறைவு செய்கிறார். இதன் மூலம் கால்பந்து ஜாம்பவான் பெலேவின் 77 கோல் சாதனையை அவர் முறியடித்துள்ளார். மேலும், உலகக் கோப்பையின் நான்கு வெவ்வேறு தொடர்களில் கோல் அடித்த இரண்டாவது பிரேசிலிய வீரர் என்ற பெருமையையும் நெய்மர் பெற்றுள்ளார்.

இதற்கு முன் இந்தச் சாதனையை பெலே மட்டுமே நிகழ்த்தியிருந்தார்.

பிரேசில் அணிக்காக 130 போட்டிகளில் விளையாடியுள்ள நெய்மர், 142 போட்டிகளில் விளையாடிய கஃபூவுக்கு அடுத்தபடியாக அதிக சர்வதேச போட்டிகளில் விளையாடிய வீரராகவும் உள்ளார்.சில நேரங்களில் தோல்வி வலது காலில் ஏற்பட்ட தசை காயம் காரணமாக, இந்த உலகக் கோப்பை தொடரில் நெய்மர் ஐந்து போட்டிகளில் இரண்டில் மட்டுமே விளையாடினார்.

ஸ்கொட்லாந்துக்கு எதிரான குழுநிலை ஆட்டத்தில் குறுகிய நேரம் மட்டுமே களமிறங்கிய அவர், நோர்வேக்கு எதிரான போட்டியில் மாற்று வீரராக 67ஆவது நிமிடத்தில் களமிறங்கினார். போட்டிக்குப் பிறகு கருத்து தெரிவித்த பிரேசில் அணியின் பயிற்சியாளர் கார்லோ அன்சலோட்டி, இந்தத் தோல்வி மிகுந்த ஏமாற்றத்தை அளித்துள்ளதாக தெரிவித்தார்.

"இந்த முடிவு எங்களை மிகவும் வேதனைப்படுத்துகிறது. வீரர்கள் அனைவரும் முழு அர்ப்பணிப்புடன் போராடினர். இந்தத் தோல்விக்கு நாங்கள் தகுதியானவர்கள் என்று நான் நினைக்கவில்லை. ஆனால் கால்பந்தில் சில நேரங்களில் தோல்வியையும் ஏற்றுக்கொள்ள வேண்டியிருக்கும். இந்த அனுபவத்தை அடுத்த கட்டத்திற்கான ஊக்கமாக மாற்றுவோம்," என்று அவர் தெரிவித்தார்.