இந்தியத் திரைத்துறையில் முன்னணி நடிகைகளில் ஒருவரான ஸ்ருதி ஹாசன், சமூக வலைத்தளங்களில் எப்போதும் ஆக்டிவாக இருப்பவர். அவர் பதிவிடும் புகைப்படங்களும் வீடியோக்களும் ரசிகர்களிடையே எப்போதும் பெரும் வரவேற்பைப் பெற்று வருகின்றன. இந்த நிலையில், சமீபத்தில் தனது இன்ஸ்டாகிராம் பக்கத்தில் ரசி…
இந்தியத் திரைத்துறையில் முன்னணி நடிகைகளில் ஒருவரான ஸ்ருதி ஹாசன், சமூக வலைத்தளங்களில் எப்போதும் ஆக்டிவாக இருப்பவர். அவர் பதிவிடும் புகைப்படங்களும் வீடியோக்களும் ரசிகர்களிடையே எப்போதும் பெரும் வரவேற்பைப் பெற்று வருகின்றன.
இந்த நிலையில், சமீபத்தில் தனது இன்ஸ்டாகிராம் பக்கத்தில் ரசிகர்களுடன் கலந்துரையாடிய ஸ்ருதி ஹாசன், அவர்களின் பல்வேறு கேள்விகளுக்குப் பதிலளித்து வந்தார். இந்த உரையாடலின் போது, "உங்களுடைய போன் வால்பேப்பர் என்ன?", "உங்களுக்குப் புடவை கட்டத் தெரியுமா?", "மறுபிறப்பில் நம்பிக்கை இருக்கிறதா?" எனப் பல சுவாரசியமான மற்றும் வித்தியாசமான கேள்விகளை ரசிகர்கள் முன்வைத்தனர். அவரும் பொறுமையாகப் பதிலளித்து வந்தார்.
இருப்பினும், இந்த உரையாடலின் போது ரசிகர் ஒருவர் கேட்ட ஒரு கேள்வி ஸ்ருதி ஹாசனை கடும் அதிருப்திக்குள்ளாக்கியது. "உங்களுக்குப் பிடித்த adhesive tape (ஒட்டும் பட்டை) பிராண்ட் எது?" என அவர் கேட்ட கேள்வி, நடிகையை மிகுந்த எரிச்சலுக்கு உள்ளாக்கியது.
இந்தக் கேள்விக்குப் பதிலளித்த ஸ்ருதி ஹாசன், "மிக அருவருப்பான கேள்வி, Bye" என்று தனது அதிருப்தியை வெளிப்படையாகப் பதிவு செய்து, அந்த உரையாடலை உடனடியாக முடித்துக்கொண்டார். ரசிகரின் இத்தகைய தேவையற்ற மற்றும் விசித்திரமான கேள்வி, இணையதளங்களில் தற்போது பேசுபொருளாகியுள்ளது.