நீர்கொழும்பு சிறை கலவரத்திற்கு கடந்த ஆட்சிகளின் தவறுகளே காரணம்; நீதி அமைச்சர்

ஹர்ஷன நாணயக்கார, நீர்கொழும்பு சிறைச்சாலை கலவரத்திற்கு கடந்த அரசாங்கங்களின் நிர்வாகத் தவறுகளே அடிப்படை காரணம் என பாராளுமன்றத்தில் தெரிவித்தார். 10,000 கைதிகளுக்கான வசதி கொண்ட சிறைச்சாலை அமைப்பில் தற்போது 29,000-க்கும் அதிகமானோர் தடுத்து வைக்கப்பட்டுள்ளதுடன், போதைப்பொருள் வழக்குகள…

ஹர்ஷன நாணயக்கார, நீர்கொழும்பு சிறைச்சாலை கலவரத்திற்கு கடந்த அரசாங்கங்களின் நிர்வாகத் தவறுகளே அடிப்படை காரணம் என பாராளுமன்றத்தில் தெரிவித்தார்.

10,000 கைதிகளுக்கான வசதி கொண்ட சிறைச்சாலை அமைப்பில் தற்போது 29,000-க்கும் அதிகமானோர் தடுத்து வைக்கப்பட்டுள்ளதுடன், போதைப்பொருள் வழக்குகளில் ஏற்படும் நீண்டகால சட்டத் தாமதங்கள், காலிப்பணியிடங்கள் மற்றும் அனுபவமிக்க அதிகாரிகளின் பற்றாக்குறையும் நிலைமையை மோசமாக்கியுள்ளதாக அவர் குறிப்பிட்டார்.

இந்த கலவரத்தில் 7 சிறைச்சாலை அதிகாரிகளும் 19 கைதிகளும் உயிரிழந்ததுடன், 77 பேர் காயமடைந்துள்ளனர். சம்பவம் தொடர்பில் விசாரணைகள் முன்னெடுக்கப்பட்டு வரும் நிலையில், 734 கைதிகள் ஏனைய சிறைச்சாலைகளுக்கு மாற்றப்பட்டுள்ளனர்.

எதிர்காலத்தில் இவ்வாறான சம்பவங்களைத் தடுக்கும் நோக்கில் போதைப்பொருள் வழக்குகளை விரைவுபடுத்தும் புதிய சட்டங்களும், “வீட்டுக் காவல்” நடைமுறையும் அறிமுகப்படுத்தப்படவுள்ளதாக அமைச்சர் தெரிவித்தார்.

சிறைச்சாலை மோதல் உயிரிழப்பு 26 ஆக அதிகரிப்பு; முழுப் பொறுப்பை ஏற்றார் நீதி அமைச்சர் ஹர்ஷன நாணயக்கார