பொதுவெளியில் பெண்களுக்கு எதிராக எவ்விதக் காரணமுமின்றித் தாக்குதல் நடத்தும் வரலாற்றைக் கொண்டவரும், இணையவழி ‘இன்செல்’ (Incel) குழுவின் உறுப்பினரும், தன்னைத்தானே பெண் வெறுப்பாளர் எனப் பிரகடனப்படுத்திக் கொண்டவருமான வாலண்டைன் (Valentine) என்பவருக்கு எதிராக நீதிமன்றம் உத்தரவு பிறப்பித…
பொதுவெளியில் பெண்களுக்கு எதிராக எவ்விதக் காரணமுமின்றித் தாக்குதல் நடத்தும் வரலாற்றைக் கொண்டவரும், இணையவழி ‘இன்செல்’ (Incel) குழுவின் உறுப்பினரும், தன்னைத்தானே பெண் வெறுப்பாளர் எனப் பிரகடனப்படுத்திக் கொண்டவருமான வாலண்டைன் (Valentine) என்பவருக்கு எதிராக நீதிமன்றம் உத்தரவு பிறப்பித்துள்ளதாக நீதிமன்றத்தில் தெரிவிக்கப்பட்டது.
அவர் இதற்கு முன்னரும் பல சிவில் உத்தரவுகளின் நிபந்தனைகளைத் தொடர்ந்து மீறியுள்ளார். பொதுமக்களைப் பாலியல் தீங்குகளிலிருந்து பாதுகாப்பதற்காக, அச்சுறுத்தலாகக் கருதப்படுபவர்களின் நடவடிக்கைகளைக் கட்டுப்படுத்தும் நோக்கில் பாலியல் தீங்கைத் தடுக்கும் உத்தரவு வழங்கப்படுகிறது.
இதற்கமைய, வாலண்டைன் பின்வரும் நிபந்தனைகளுக்குட்பட்டே ஒழிய, இணையத்தை அணுகக்கூடிய கணினி அல்லது எந்தவொரு சாதனத்தையும் பயன்படுத்தத் தடை விதிக்கப்பட்டுள்ளார்:
எந்தவொரு சாதனத்தையும் பெற்றுக்கொண்ட 3 நாட்களுக்குள் அது குறித்துப் பொலிஸாரின் விசார் (VISOR) குழுவிற்கு அறிவிக்க வேண்டும்; மேலும் அந்தச் சாதனத்தைப் பொலிஸாரின் விசாரணை குழுவில் பதிவு செய்ய வேண்டும்; அந்தச் சாதனத்தில் இணையப் பயன்பாட்டு வரலாற்றைத் தக்கவைத்துக் காட்டும் வசதி இருக்க வேண்டும்; எல்லா நேரங்களிலும் இணையப் பயன்பாட்டு வரலாற்றைத் தக்கவைக்குமாறு அது அமைக்கப்பட்டுள்ளதுடன், எந்தவொரு வரலாற்றுத் தரவும் அழிக்கப்படக் கூடாது; சாதனத்தின் இருப்பிடத் தரவு (Location data) எப்போதும் இயக்கப்பட்டிருக்க வேண்டும்; எந்தவொரு இருப்பிடத் தரவும் அழிக்கப்படக் கூடாது; பொலிஸ் அதிகாரியொருவர் அல்லது பொலிஸ் உத்தியோகத்தர் கோரும் பட்சத்தில், ஆய்விற்காகச் சாதனத்தை உடனடியாக வழங்க வேண்டும்.
மேலும், வாலண்டைன் எப்போதுமே ஒன்றுக்கு மேற்பட்ட இணைய இணைப்புக் கொண்ட சாதனங்களுக்குச் சொந்தக்காரராக இருக்கவோ அல்லது அவற்றை வைத்திருக்கவோ தடை விதிக்கப்பட்டுள்ளது.
குறிப்பிட்ட இன்செல் இணையத்தளம் அல்லது இன்செல் தொடர்பான சித்தாந்தங்களை அல்லது உள்ளடக்கங்களை ஊக்குவிக்கும் அல்லது எளிதாக்கும் வேறு எந்த ஆன்லைன் தளம், மன்றம் (forum), அரட்டையறை (chatroom) அல்லது செயலியில் பதிவு செய்யப்பட்ட விருந்தினர் (guest) அல்லது புனைபெயர் (alias) கணக்கைக் கொண்டிருப்பதற்கும் அவருக்குத் தடை விதிக்கப்பட்டுள்ளது.
இது தவிர, வாலண்டைன் எந்தவொரு காரணத்திற்காகவும் பெண்களுக்கான பொதுக் கழிவறை, உடை மாற்றும் அறை அல்லது பெண்களுக்கு மட்டுமேயான இடங்களுக்குள் நுழையவோ, அவற்றைப் பயன்படுத்தவோ அல்லது அருகில் சுற்றிக்கொண்டிருக்கவோ கூடாது.
இந்த உத்தரவு 2031ஆம் ஆண்டு ஓகஸ்ட் மாதம் 25ஆம் திகதி வரை அமலில் இருக்கும். இந்த நிபந்தனைகளில் எதையேனும் அவர் மீறினால் கைது செய்யப்படலாம்.
அவ்வாறு மீறினால் அவருக்கு அதிகபட்சமாக ஐந்து ஆண்டுகள் வரை சிறைத்தண்டனை விதிக்கப்படலாம்.
இது குறித்துக் குலூசெஸ்டர்ஷைர் (Gloucestershire) காவல்துறை பிரிவின் பொதுப் பாதுகாப்புப் பிரிவின் துப்பறியும் படை sergent பால் ஹொவெல் (Paul Howell) தெரிவிக்கையில், “வாலண்டைன் தனது பெண் வெறுப்புணர்வாலும் பெண்களுக்கு எதிரான வன்முறைகளாலும் நன்கு அறியப்பட்டவர். அவருக்கு எதிராக இந்த SHPO (பாலியல் தீங்கைத் தடுக்கும் உத்தரவு) பெறப்பட்டதில் நாங்கள் மகிழ்ச்சியடை கிறோம்.
வாலண்டைன் மீது எந்தவொரு பாலியல் குற்றச்சா鐮ும் நிரூபிக்கப்படவில்லை என்றாலும், மாவட்டத்திலுள்ள பெண்களையும் சிறுமிகளையும் தீங்கிலிருந்து பாதுகாக்கும் ஒரு தடுப்பு நடவடிக்கையாக இது மேற்கொள்ளப்பட்டுள்ளது.
இந்த உத்தரவு வாலண்டைனின் சித்தாந்தங்களை மேலும் ஆராய்வதற்கான அவரது திறனைக் குறைப்பதுடன், அவர் மேலும் குற்றங்கள் இழைப்பதற்கான அபாயத்தைக் குறைக்க உதவுவதற்காகச் சமூகத்தில் அவரது நடவடிக்கைகளைக் கண்காணிக்கப் பொலிசாருக்கு வாய்ப்பளிக்கிறது.
பெண்கள் மற்றும் சிறுமிகளுக்கு எதிரான வன்முறைகளைத் தடுப்பது (VAWG) குலூசெஸ்டர்ஷைர் காவல்துறையின் முன்னுரிமையாகும். குற்றங்களைத் தடுக்கவும், குற்றவாளிகளைச் சட்டத்தின் முன் நிறுத்தவும், பெண்கள் மற்றும் சிறுமிகளைப் பாதுகாக்கவும் எங்களால் முடிந்த அனைத்தையும் செய்வோம்” என்றார்.
செல்தன்ஹாம் (Cheltenham) புனித பவுல் பகுதியைச் சேர்ந்த 29 வயதுடைய விக்டர் வாலண்டைன் (Victor Valentine) மீது எந்தவொரு பாலியல் குற்றமும் நிரூபிக்கப்படாத போதிலும், பெண்ககளுக்கு அச்சுறுத்தலாக இருந்ததாகக் கூறப்படும் குற்றச்சாட்டின் பேரில், கடந்த ஓகஸ்ட் 24ஆம் திகதி நகரின் நீதிமன்றத்தில் இந்த உத்தரவு பிறப்பிக்கப்பட்டது.
