திரிஷாவின் ’ரக்ஷா பந்தன்’ போஸ்ட்

நடிகை திரிஷாவும் நடிகர் விஜய்யும் இணைந்து பல படங்களில் நடித்துள்ளதாலும், சமீபகாலப் பொது நிகழ்ச்சிகளில் ஒன்றாகக் கலந்துகொண்டு வருவதாலும் இவர்கள் குறித்த வதந்திகள் சமூக வலைதளங்களில் தொடர்ந்து விவாதிக்கப்பட்டு வருகின்றன. அந்த வகையில், தற்போது திரிஷாவின் இன்ஸ்டாகிராம் கணக்கில் இருந்…

நடிகை திரிஷாவும் நடிகர் விஜய்யும் இணைந்து பல படங்களில் நடித்துள்ளதாலும், சமீபகாலப் பொது நிகழ்ச்சிகளில் ஒன்றாகக் கலந்துகொண்டு வருவதாலும் இவர்கள் குறித்த வதந்திகள் சமூக வலைதளங்களில் தொடர்ந்து விவாதிக்கப்பட்டு வருகின்றன.

அந்த வகையில், தற்போது திரிஷாவின் இன்ஸ்டாகிராம் கணக்கில் இருந்து 'ஹாப்பி ரக்ஷா பந்தன் விஜய்' எனப் பதிவிடப்பட்டது போன்ற ஒரு ஸ்கிரீன்ஷாட் இணையத்தில் வைரலாகி வருகிறது.

வைரலாகும் போஸ்டும் உண்மையும்: அந்தப் பதிவில் விஜய் 'ரத்தத்தின் ரத்தமே' பாடலுக்கு டான்ஸ் ஆடும் காட்சிகளும் இடம்பெற்றுள்ளன. இதைப் பார்த்த சில விஜய் ரசிகர்கள், "இப்போது பார்த்தீர்களா? திரிஷா விஜய்யைத் தன் சகோதரன் என்று பதிவிட்டுவிட்டார், இப்போதாவது விவகாரங்களை நிறுத்துங்கள்" என வாதிட்டு வருகின்றனர்.

ஆனால், நெட்டிசன்கள் உடனடியாகச் சரிபார்த்தபோது, திரிஷாவின் இன்ஸ்டாகிராம் பக்கத்தில் இது போன்ற எந்தப் பதிவும் இல்லை என்பது தெரியவந்தது. இது முழுக்க முழுக்க எடிட் செய்யப்பட்ட போலிப் படம் (Edited Screenshot) என்பது உறுதியானதும், நெட்டிசன்கள் இதைக் கிண்டல் செய்து வருகின்றனர்.

தொடரும் சர்ச்சைகளும் அரசியல் விமர்சனங்களும்: ஏற்கனவே விஜய் கலந்துகொண்ட நிகழ்ச்சி ஒன்றில் திரிஷா கலந்துகொண்டபோது, அவர் விஜய்யின் 'அண்ணன்' வெற்றியைப் பார்க்கச் சென்றுள்ளார் என ரசிகர்கள் நியாயம் கற்பித்தனர். ஆனால், இதுகுறித்து திரிஷாவோ அல்லது விஜய்யோ இதுவரை எந்தவித அதிகாரப்பூர்வ விளக்கமும் அளித்தது கிடையாது. இதனால் சினிமா வட்டாரத்தைத் தாண்டி அரசியல் மட்டங்களிலும் இவர்கள் குறித்த விவாதங்கள் எழுந்து வருகின்றன.

சமீபத்தில் நடைபெற்ற சுதந்திர தின விழாவில், விஜய்யின் பெற்றோர் அருகில் திரிஷா அமர்ந்திருந்து நிகழ்வை ரசித்துக் பார்த்திருந்தார். சில மாதங்களுக்கு முன்பு விஜய்யின் மனைவி சங்கீதா விவாகரத்து வழக்கு தொடர்ந்ததாகவும், பின்னர் அந்த வழக்கை அவர் வாபஸ் பெற்றுவிட்டதாகவும் தகவல்கள் பரவின.

இதனால் சுதந்திர தின விழாவில் சங்கீதா கலந்துகொள்வார் என எதிர்பார்க்கப்பட்ட நிலையில், அவர் கலந்துகொள்ளாததுடன் திரிஷா கலந்துகொண்டது மீண்டும் பல கேள்விகளை எழுப்பியது.

இதைச் சுட்டிக்காட்டி சில ரசிகர்கள் இருவரும் நல்ல நண்பர்கள் என்று வாதிட, தற்போது 'ரக்ஷா பந்தன்' வாழ்த்துச் செய்தி வரை எடிட் செய்து வதந்திகளைப் பரப்பி வருவதாக நெட்டிசன்கள் விமர்சித்து வருகின்றனர்.