செய்திகள் 16 September 2025 வடமேல் மாகாண சுற்றுலாத் தலங்களை ஊக்குவிப்பதற்கான "யுக சக்மன்" ஊடக சுற்றுப்பயணம் செய்திகள் 16 September 2025 வடமேல் மாகாணத்தில் சுற்றுலாத் தலங்களை மேம்படுத்தும் நோக்கில் தொடர் நிகழ்ச்சித் திட்டங்கள் பலவற்றை ஆரம்பிக்க திட்டமிட்டுள்ளன. இந்த வேலைத்திட்டத்…
செய்திகள்
16 September 2025
வடமேல் மாகாண சுற்றுலாத் தலங்களை ஊக்குவிப்பதற்கான "யுக சக்மன்" ஊடக சுற்றுப்பயணம்
செய்திகள்
16 September 2025
வடமேல் மாகாணத்தில் சுற்றுலாத் தலங்களை மேம்படுத்தும் நோக்கில் தொடர் நிகழ்ச்சித் திட்டங்கள் பலவற்றை ஆரம்பிக்க திட்டமிட்டுள்ளன. இந்த வேலைத்திட்டத்திற்கு வடமேல் மாகாண சுற்றுலாத் தலங்களை ஊக்குவிக்கும் யுகங்களின் நடைப்பயணம் என்று பெயரிடப்பட்டுள்ளது.
இதற்கு இணையாக, அரசாங்க தகவல் திணைக்களத்தால் ஏற்பாடு செய்யப்பட்ட, வடமேல் மாகாணத்தில் உள்ள வரலாற்று மற்றும் புராதன இடங்களைப் பார்வையிடும் ஊடகச் சுற்றுப்பயணம், வடமேல் மாகாண ஆளுநர் திஸ்ஸ குமாரசிறி வர்ணசூரியவின் தலைமையில் அண்மையில் (13) இடம்பெற்றது.
இங்கு, யாப்பஹுவ மற்றும் பண்டுவஸ்நுவர இராச்சியங்களில் சுற்றுலாத் தலங்களாக கவனம் செலுத்த வேண்டிய இடங்கள் ஊடகவியலாளர்களின் விசேட கவனத்தை ஈர்த்தன.
இதன்போது, ஐந்து இராச்சியங்களை உரிமை கொண்ட வடமேல் மாகாணத்தின் சுற்றுலாத் தலங்களை மேம்படுத்துவதற்கான அடிப்படைத் திட்டம் குறித்து வடமேல் மாகாண ஆளுநர் விளக்கமளித்தார்.
மேலும், சுற்றுலாத்துறையுடன் தொடர்புடைய மட்பாண்ட கைத்தொழில் தொடர்பாகவும் இதன்போது கவனம் செலுத்தப்பட்டதுடன், அந்த கைத்தொழிலை இலக்காகக் கொண்ட ஊக்குவிப்புத் திட்டங்கள் மற்றும் சந்தை குறித்தும் கவனம் செலுத்தப்பட்டது.
இந்த நிகழ்வில், கமத்தொழில் மற்றும் கால்நடை வளங்கள் பிரதி அமைச்சர் நாமல் கருணாரத்ன, பாராளுமன்ற உறுப்பினர் தர்மப்பிரிய திசாநாயக்க, குருநாகல் மேயர் வழக்கறிஞர் ஆனந்த சஹபந்து, குருநாகல் மாவட்ட செயலாளர், வடமேல் மாகாண தொல்பொருள் திணைக்களம், கலாச்சாரத் திணைக்களம் மற்றும் பிற நிறுவனங்களின் அரச அதிகாரிகள் மற்றும் ஊடகவியலாளர்கள் பலரும் கலந்து கொண்டனர்.