தலவாக்கலை பகுதி வழியாகச் சென்று கொண்டிருந்த 28 வாகனங்களைத் தற்காலிகமாகச் சேவையிலிருந்து நீக்குவதற்கான நடவடிக்கைகள் எடுக்கப்பட்டுள்ளதாக நுவரெலியா மாவட்டப் பிரதம மோட்டார் வாகன ஆய்வாளர் ஜாலிய பண்டார தெரிவித்துள்ளார். குறித்த பகுதி வழியாகச் செல்லும் 40 பேருந்துகள், கார்கள், மோட்டார்…
தலவாக்கலை பகுதி வழியாகச் சென்று கொண்டிருந்த 28 வாகனங்களைத் தற்காலிகமாகச் சேவையிலிருந்து நீக்குவதற்கான நடவடிக்கைகள் எடுக்கப்பட்டுள்ளதாக நுவரெலியா மாவட்டப் பிரதம மோட்டார் வாகன ஆய்வாளர் ஜாலிய பண்டார தெரிவித்துள்ளார்.
குறித்த பகுதி வழியாகச் செல்லும் 40 பேருந்துகள், கார்கள், மோட்டார் சைக்கிள்கள், வேன்கள் மற்றும் லொறிகள் வீதிப் போக்குவரத்திற்கு உகந்த நிலையில் உள்ளதா என்பதை உறுதி செய்வதற்காக, நுவரெலியா பொலிஸ் பிரிவின் போக்குவரத்துப் பிரிவு அதிகாரிகளும் வாகனப் பரிசோதகர்களும் அவற்றில் அவசரகாலப் பரிசோதனை ஒன்றை நடத்தியுள்ளனர். ஆய்வுக்கு உட்படுத்தப்படும் வரை பல்வேறு குறைபாடுகளுடன், வீதிப் போக்குவரத்திற்கு தகுதியற்ற நிலையில் இயங்கிக்கொண்டிருந்த 28 வாகனங்கள் தற்காலிகமாக சேவையிலிருந்து நீக்கப்பட்டதாகவும், அந்த வாகனங்களின் வருமான வரிப்பத்திரங்கள் தனது பொறுப்பில் எடுத்துக்கொள்ளப்பட்டதாகவும் மோட்டார் வாகன ஆய்வாளர் தெரிவித்தார்.
வீதி விபத்துக்களைக் குறைக்கும் நோக்கில் மேற்கொள்ளப்பட்ட இந்த ஆய்வின்போது, 4 தனியார் பேருந்துகள் மற்றும் 15 மூன்று சக்கர வாகனங்கள் உட்பட 28 வாகனங்கள் சேவையிலிருந்து நீக்கப்பட்டதாகவும், அந்த வாகனங்களில் கண்டறியப்பட்ட பல்வேறு குறைபாடுகள் சரிசெய்யப்பட்டு மற்றொரு ஆய்வுக்கு உட்படுத்தப்படும் வரை அவை தற்காலிகமாக இடைநிறுத்தப்பட்டதாகவும் தெரிவிக்கப்பட்டுள்ளது.
